Google ADS

E pëson edhe futbollisti i Napolit, njerëz të armatosur e terrorizojnë dhe e grabitin

22:11 | 18 Dhjetor 2021
Lorik Gerbeshi

Momente tmerri për futbollistin e Napolit, Adam Ounas.

Sulmuesi 25-vjeçar algjerian, në momentin që po bëhej gati për t’i nisur drejt Milanos, për ndeshjen kundër Milanit, është sulmuar dhe grabitur në banesën e tij nga persona të armatosur.

“Corriere dello Sport” ka rindërtuar skenën e ngjarjes, duke shpjeguar sesi lojtari algjerian u grabit nga dy kriminelë me armë, që u futen me një skuter në garazhin e shtëpisë së tij në Posillipo.

Ounas është detyruar t’u dorëzojë para dhe bizhuteri në një vlerë totale prej 4500 eurosh.

Grabitja ndodhi në momentin e kthimit të tij nga stërvitja e zhvilluar në Castel Volturno.

Banditët kishin planifikuar gjithçka në detaje, duke e sulmuar pikërisht në momentin që do të futej në banesë.

Për shkak traumës së pësuar, Aunas nuk udhëtoi me skuadrën drejt Milanos, për ndeshjes së dielës me “Djallin”.

Shpërndaje në rrjete sociale

Lajmet më të lexuara

Të ngjashme

Foto lajm